பிரியாணி கத்திரிக்காய் | Muslim Style Biryani Kathirikkai

தேவையான பொருட்கள்:

கத்திரிக்காய் - 1 பெரியது

வெங்காயம்  -1 பெரியது

பச்சை மிளகாய் - 3

மஞ்சள்தூள்  -1/2 டீஸ்பூன்

வரமிளகாய்த்தூள்  - 1 டீஸ்பூன்

தனியாத்தூள்  -1 டீஸ்பூன்

புளிவிழுது - 1 டேபிள்ஸ்பூன்

உப்பு+எண்ணெய் = தேவைக்கு

அரைக்க:‌

வெள்ளை எள் - 2 டீஸ்பூன்

வேர்க்கடலை  -2 டேபிள்ஸ்பூன்

தாளிக்க‌:

கடுகு + உளுத்தம்ப‌ருப்பு - தலா 1/2 டீஸ்பூன்

பிரியாணி இலை -2

மிளகு  - 1/2 டீஸ்பூன்

பெ.சீரகம்  - 1/2 டீஸ்பூன்

கறிவேப்பிலை -1 கொத்து

செய்முறை விளக்கம்:

*கத்திரிக்காய் மற்றும் வெங்காயம் இவற்றை நீளவாக்கில் நறுக்கவும்,பச்சை மிளகாயை கீறிக்கொள்ளவும்.

*அரைக்க கொடுத்துள்ள பொருட்களில் வெள்ளை எள்ளை மட்டும் வறுத்து அதனுடன் வேர்க்கடலை சேர்த்து நைசாக அரைக்கவும்.

*கடாயில் எண்ணெய் விட்டு தாளிக்க கொடுத்துள்ளவைகளைப்போட்டு தாளித்து கத்திரிக்காய் சேர்த்து வதக்கவும்.

*பாதியளவு கத்திரிக்காய் வதங்கியதும் வெங்காயம் மற்றும்  பச்சை மிளகாய் சேர்த்து நன்கு வதக்கவும்.

*கத்திரிக்காய் நன்கு வெந்ததும்  தூள் வகைகள் மற்றும் உப்பு சேர்த்து மேலும் வதக்கி அரைத்த விழுதினை சேர்த்து சிறுதீயில் வதக்கவும்.

*பின் புளிவிழுதினை சிறிது நீரில் கரைத்து ஊற்றி, நன்கு கிளறி பச்சை வாசனை போனதும் இறக்கவும்.

பின்குறிப்பு:

*சிறிய கத்திரிக்காயில் சமைத்தால் இன்னும் சுவையாக இருக்கும்.

*சிறுதீயில் நீர் ஊற்றாமல் கத்திரிக்காயினை வதக்கவும்.இதில் எண்ணெய் குறைவாகவே பயன்படுத்தியிருக்கேன்.