மாங்காய் இஞ்சி தேங்காய் சட்னி | Mango Ginger Coconut Chutney

சாதரணமாக சட்னி அரைக்கும் போது இஞ்சி உபயோகபடுத்துவோம்.அதற்கு பதில் மாங்காய் இஞ்சி சேர்த்து அரைத்தால் மாங்காய் வாசனையுடன் சட்னி அருமையாக இருக்கும்.அதுமட்டுமில்லாமல் அரைக்கும் போது தண்ணீருக்கு பதில் தேங்காய் உடைத்த நீரை சேர்த்து அரைத்தால் இன்னும் ருசியாக இருக்கும். (தேங்காய் உடைத்த நீரை சுவைத்து பார்த்த பின் அரைப்பது நல்லது.)

தேவையான பொருட்கள்:

தேங்காய்த்துறுவல் - 1/4 கப்
பொட்டுக்கடலை - 1 டேபிள்ஸ்பூன்
சின்ன வெங்காயம்- 3
பச்சை மிளகாய் - 2
கொத்தமல்லித்தழை - சிறிதளவு
மாங்காய் இஞ்சி - 1 துண்டு
தேங்காய் உடைத்த நீர் - தேவையானளவு
உப்பு +எண்ணெய் = தேவைக்கு

தாளிக்க:
கடுகு - 1/4 டீஸ்பூன்
உளுத்தம்பருப்பு - 1/2 டீஸ்பூன்
பெருங்காயம் - வாசனைக்கு
கறிவேபிலை - சிறிது

செய்முறை விளக்கம்:

*முதலில் பொட்டுக்கடலை பச்சை மிளகாய் சேர்த்து அரைத்து பின் தேங்காய்துறுவல், மாங்காய் இஞ்சி, உப்பு மற்றும் கொத்தமல்லித்தழை சேர்த்து தேங்காய் உடைத்த நீர் கெட்டியாக மைய அரைக்கவும்.

*கடைசியாக சின்ன வெங்காயத்தை சேர்த்து ஒரு சுற்று சுற்றி அரைத்தெடுக்கவும்.