திராமிசு ( Italian Dessert)

தேவையான பொருட்கள்:

Heavy Cream -1 கப்
சர்க்கரை - 2 டேபிள்ஸ்பூன்
வெனிலா எசன்ஸ் - 1 டீஸ்பூன்

செய்முறை விளக்கம்:

*ஒரு பவுலில் க்ரீமை ஊற்றி நன்கு நுரை வரும்வரை 20 நிமிடங்கள் பீட்டரால் கலக்கவும்.

*பின் சர்க்கரை மற்றும் எசன்ஸ் சேர்த்து 10 நிமிடங்கள் நன்கு கலந்தால் விப்பிங் கீரிம் ரெடி!!

திராமிசு
தேவையான பொருட்கள்:

மஸ்கார்பொன் சீஸ் / க்ரீம் சீஸ் -1 கப்
விப்பிங் க்ரீம் -2 கப் / முட்டை மஞ்சள் கரு -3
சர்க்கரை -1/4 கப் /இனிப்பிற்கேற்ப
வெனிலா எசன்ஸ் - 1டீஸ்பூன்
கோகோ பவுடர் -1/4 கப்
1 9*9 இஞ்ச் ஸ்பான்ஞ் கேக்
பால்,சர்க்கரை கலக்காத காபி /Expresso -1 கப்

செய்முறை விளக்கம்:

*மஸ்கார்போன் சீஸ், சர்க்கரை மற்றும் வெனிலா எசன்ஸ் சேர்த்து நன்கு கலக்கவும்.

*பின் விப்பிங் க்ரீம் சேர்த்து மிருதுவாக கலக்கவும்.

*ஸ்பாஞ்ச் கேக்கை குறுக்கில் 2ஆக வெட்டவும்.

*ஒரு தட்டில் முதல் பாதியை வைத்து ப்ளாக் காப்பியை பரவலாக மேலே ஊற்றி அதன் மேல் க்ரீம் கலவையை தடவி ,கோகோ பவுடரை சமமாக தூவி விடவும்.

*இதன்மேல் இன்னொருபாதி கேக்கை வைத்து ப்ளாக் காபி, க்ரீம் மற்றும் கோகோ பவுடர் என அடுக்கவும்.

*இதனை ப்ரிட்ஜில் 8 மணிநேரம் / முதல்நாள் இரவே செய்து வைத்து செட்டாகவிடவும்.

*ஈசி திராமிசு டெசர்ட் ரெடி!!

பின் குறிப்பு:

*இதில் ஆல்கோல் எதுவும் சேர்க்காமல் செய்துள்ளேன்.

*விப்பிங் க்ரீம் பதில் முட்டை மஞ்சள் கரு சேர்ப்பதாக இருந்தால் ,ஒரு பவுலில் அதனை நன்கு கலக்கி டபுள் பாய்லரில் வைத்து கலக்கவும். லேசாக இளம் மஞ்சள் கலரில் மாறும் போது மஸ்கார்பொன் சீஸுடன் கலக்கவும்.

* லேடி பிங்கர் பிஸ்கட்டில் செய்வதாக இருந்தால்
ஒரு டிரேயில் லேடி பிங்கர்ஸ் பிஸ்கட்டை ப்ளாக் காப்பியில் நனைத்து அடுக்கவும்.அதன் மேல் க்ரீம் கலவையை பரவலாக தடவி கோகோ பவுடரை சமமாக தூவவும்.

இதன்மேல் மற்றொரு அடுக்கு முதலில் செய்தவாறு லேடிபிங்கர்ஸ்+க்ரீம்+கோகோ பவுடர் என அடுக்கவும்.

*நன்றாக செட்டானால் தான் சாப்பிட சுவையாக இருக்கும்.