சுவையான மினி ஜாங்கிரி செய்வது எப்படி??

தேவையான பொருட்கள்:

வெள்ளை முழு உளுத்தம் பருப்பு - 1 கப்

அரிசி மாவு - 1 டேபிள்ஸ்பூன்

ஆரஞ்சு கலர் - 1 சிட்டிகை

உப்பு - 1 சிட்டிகை

எண்ணெய் - பொரிக்க

பாகு செய்ய:

சர்க்கரை - 1 கப்

தண்ணீர் - 1 கப்

ரோஸ் எசன்ஸ் - 2 துளி

எலுமிச்சை சாறு - 1/2 டேபிஸ்பூன்

நாட்டு பன்னீர் ரோஜா குல்கந்த் செய்முறை??

சுவையான மினி ஜாங்கிரி செய்முறை:

*உளுந்தை 1 மணி நேரம் ஊறவைத்து நன்கு வெண்ணெய் போல் சிறிது நீர் விட்டு உப்பு சேர்த்து கெட்டியாக அரைக்கவும்.

*அதனுடன் அரிசிமாவுமற்றும் சிறிது நீரில் புட்கலர் கலக்கவும்.மாவு ஒட்டையில் விழும் பதமாக இருக்க வேண்டும்.

*ஒரு ஜிப்லாக் கவரில், ஒரு கம்பி எடுத்து லேசாக சூடு செய்து ஒட்டையை மெலிதாக போடவும்.

*ஒட்டை போட்ட கவரில் மாவை நிரப்பி படத்தில் உள்ளவாறு பிழியவும்.முதலில் 2 வட்டங்கள் போட்டு அதன்மேல் குட்டி குட்டி வளையங்கள் போல் பிழியவும்.2,3 முறை போட்டவுடன் அழகாக வரும்.

*எண்ணெய் காயவைத்து நேரடியாக மாவை பிழியவும்.ஒரு புறம் வெந்ததும்,மறுபுறம் திருப்பி வேகவிடவும்.ரொம்பவும் முறுகலாக எடுக்ககூடாது.

*இன்னொரு அடுப்பில்,பாத்திரத்தில் சர்க்கரை மற்றும் தண்ணீர் வைத்து கொதிக்க விடவும்.பிசுபிசுப்பு பதம் வந்தவுடன் எலுமிச்சை சாறு மற்றும் ரோஸ் எசன்ஸ் சேர்த்து அடுப்பை அணைக்கவும்.

*பொரித்த ஜாங்கிரிகளை சூடான சர்க்கரை பாகில் 2 நிமிடம் போட்டு எடுக்கவும்.

பின் குறிப்பு:

*ஒட்டையை மிக மெலிதாக போடவும்.மாவு சரியாக பிழிய வரவில்லையெனில் சிறிதளவு நீர் சேர்த்து கலக்கவும்.

*சர்க்கரை பாகு தண்ணீயாக இல்லாமலும்,கெட்டியாக இல்லாமலும் இருக்கனும்.

*பொரித்த ஜாங்கிரியும்,சர்க்கரை பாகும் சூடாக இருக்க வேண்டும்.

*1 கம்பிபதம் என்பது 2 விரல்களுக்கிடையே பாகை தொட்டு பார்த்தால் ஒரு நூலிழை போல் வரும்.

இதுபோன்ற தகவல்களை உடனுக்குடன் தெரிந்து கொள்ள எங்களுடைய cinema.sebosa இணையதளத்தை அணுகுங்கள். மேலும் உங்களின் கருத்துக்களை பதிவிட என்ற ecoimbatore Facebook பக்கத்தில் இணையுங்கள் நன்றி.