முட்டை பரோட்டா | egg parotta

தேவையான பொருட்கள்:

பரோட்டா - 5

பொடியாக நறுக்கிய வெங்காயம் - 1 பெரியது

பொடியாக நறுக்கிய தக்காளி - 1 பெரியது

பொடியாக நறுக்கிய பச்சை மிளகாய் - 2

முட்டை - 3

பரோட்டா குருமா - 3 டேபிள்ஸ்பூன்

கரம் மசாலா - 1/4 டீஸ்பூன்

மிளகாய்த்தூள் - 1 டீஸ்பூன்

பொடியாக நறுக்கிய கொத்தமல்லித்தழை - சிறிது

உப்பு+எண்ணெய் = தேவைக்கு

தாளிக்க:

கடுகு - 1/4 டீஸ்பூன்

சோம்பு - 1/4 டீஸ்பூன்

கறிவேப்பிலை - சிறிது

செய்முறை விளக்கம்:

*பரோட்டாவை பொடியாக நறுக்கிக் கொள்ளவும்.

*கடாயில் தாளிக்க கொடுத்துள்ளவைகளை தாளித்து வெங்காயம், பச்சை மிளகாய், தக்காளி, கரம் மசாலா மற்றும் மிளகாய்த்தூள் அனைத்தையும் ஒன்றன் பின் ஒன்றாக வதக்கவும்.

*பின் முட்டை சேர்த்து நன்கு பிரட்டவும்.பரோட்டா சேர்த்து நன்கு கொத்தவும்.

*பரோட்டா குருமா சேர்க்கவும்.இல்லையெனில் தண்ணீர் தெளிக்கவும்.

 *பரோட்டாவில் உப்பு இருப்பதால் பார்த்து போடவும்.

 *நன்கு கொத்தியதும் கொத்தமல்லி சேர்த்து இறக்கவும்.

பின் குறிப்பு:

 *விருப்பப்பட்டால் இதனுடன் கொத்துக்கறியும் சேர்க்கலாம்.காரமாக இருந்தால் எலுமிச்சைசாறு சேர்க்கவும்