அரைத்துவிட்ட சிக்கன் குழம்பு | Arachuvitta Chicken Kuzhambu

தேவையான பொருட்கள்:

சிக்கன் - 1/2 கிலோ

நீளவாக்கில் அரிந்த வெங்காயம் - 1 பெரியது

நறுக்கிய தக்காளி - 1 பெரியது

மஞ்சள்தூள் - 1 சிட்டிகை

கரம் மசாலா - 1 டீஸ்பூன்

இஞ்சி பூண்டு விழுது - 1 டேபிள்ஸ்பூன்

தயிர் - 1/2 கப்

உருளைக்கிழங்கு - 3

உப்பு+எண்ணெய் = தேவைக்கு

தாளிக்க:

பிரியாணி இலை -2

கிராம்பு - 3

பட்டை - 1 துண்டு

கறிவேப்பிலை - சிறிது

 எண்ணெயில் வறுத்தரைக்க:

தனியா - 2 டீஸ்பூன்

காய்ந்த மிளகாய் - 6

மிளகு - 1 டீஸ்பூன்

சீரகம் - 1 1/2 டீஸ்பூன்

சோம்பு - 1 டீஸ்பூன்

கசகசா - 1/4 டீஸ்பூன்

தேங்காய்த்துறுவல் - 1/4 கப்

செய்முறை விளக்கம்:

*அரைக்க கொடுத்துள்ளவைகளை முதலில் பொடித்து பின் நீர் ஊற்றி விழுதாக அரைக்கவும்.

 *சிக்கனில் தயிர் மற்றும்  1/2 டேபிள்ஸ்பூன் இஞ்சிபூண்டு விழுது சேர்த்து 1/2 மணிநேரம் ஊறவைக்கவும்.

 *பாத்திரத்தில் தாளிக்க கொடுத்துள்ளவைகளை தாளித்து வெங்காயம், மீதமிருக்கும் இஞ்சிபூண்டு விழுது, தக்காளி மற்றும் கரம் மசாலா அனைத்தையும் ஒன்றன் பின் ஒன்றாக போட்டு வதக்கவும்.

 *வதங்கியதும் அரைத்த மசாலா விழுதினை போட்டு நன்கு எண்ணெய் பிரியும் வரை வதக்கவும்.

 *பின் சிக்கனை போட்டு வதக்கி உப்பு மற்றும் மஞ்சள்தூள் தேவையான நீர் சேர்த்து கொதிக்கவிடவும்.

 *குழம்பு கொதிக்கும் போது தோல்சீவி துண்டுகளாகிய உருளைக்கிழங்கைப்போடவும்.

 *குழம்பு நன்கு கொதித்து சிக்கனும் உருளையும் நன்கு வெந்ததும் இறக்கவும்.

 *கமகமக்கும் சிக்கன் குழம்பு ரெடி.