கிறிஸ்துமஸ் ப்ரூட் கேக் | Alcohol Free Christmas Fruit Cake -Plum Cake

தேவையான பொருட்கள்:

மிக்ஸட் டிரை ப்ரூட்ஸ் - 1 கப் (கருப்பு மற்றும் வெள்ளை திராட்சை,அப்ரிகாட்,செர்ரி,அன்னாச்சிப்பழம்)

மிக்ஸட் நட்ஸ் - 1/2 கப் (முந்திரி,பாதாம்,வால்நட்ஸ் )+ 1/2 டீஸ்பூன் மைதா

ஆரஞ்சு  ஜூஸ் - 3/4 கப்

பாகம் -1

மைதா - 1 கப்

பேக்கிங் சோடா - 1/4 டீஸ்பூன்

பேக்கிங் பவுடர் - 1 டீஸ்பூன்

உப்பு - 1/2 டீஸ்பூன்

சுக்குப்பொடி,பட்டைத்தூள்,கிராம்புபொடி,ஜாதிக்காய்ப்பொடி -தலா1/4டீஸ்பூன்

பாகம் - 2

வெண்ணெய் -1/2 கப்

முட்டை - 3

சர்க்கரை - 3/4 கப்

துருவிய ஆரஞ்சுத்தோல் - 1 டேபிள்ஸ்பூன்( 1 பழத்திலிருந்து)

வெனிலா எசன்ஸ் - 1 டீஸ்பூன்

கேரமல் செய்ய

சர்க்கரை - 1/4 கப்

நீர் - 1 டேபிள்ஸ்பூன்+ 1/4 கப்

ஒரு பாத்திரத்தில் சர்க்கரை மற்றும் 1 டேபிள்ஸ்பூன் நீர் சேர்த்து நன்கு கரைய விடவும்.சர்க்கரையின் கலர் வெளிர் நிறத்திலிருந்து டார்க் கலர் மாறும் போது 1/4 கப்நீரை 1 நிமிடம் மைக்ரோவேவில் வைத்து எடுக்கவும்  1/4 கப் சுடுநீரை  ஊற்றி இறக்கி ஆறவைக்கவும்.ஆறியதும் வெனிலா எசன்ஸ் சேர்த்து கலக்கவும்.

செய்முறை விளக்கம்:

*ஆரஞ்சு ஜூஸை மைக்ரோவேவில் 1 நிமிடம் சூடு செய்து மிக்ஸட் டிரை ப்ரூட்ஸ் கலந்து ஒர் இரவு முழுக்கவோ அல்லது 2 அல்லது 3 நாள் வரை ஊறவிடவும்.இடையிடையே கிளறி விடவும்.

*அவனை 180°C  முற்சூடு செய்யவும்.

*பாகம் -1ல் கொடுத்துள்ளவைகளை ஒன்றாக கலந்து 2முறை சலிக்கவும்.

*ஒரு பவுலில் வெண்ணெய் மற்றும் சர்க்கரை செர்த்து சர்க்கரை கரையும் வரை நன்கு கலக்கவும்.

*பின் ஒவ்வொரு முட்டையாக சேர்த்து நன்கு நுரை வரும் வரை பீட்டரால் கலக்கவும்.

*கேரமல் சேர்த்து மீண்டும் நன்கு கலந்து துருவிய ஆரஞ்சுத்தோல் மற்றும் பாகம் -1ல் கொடுத்த பொருட்களை சேர்க்கவும்.

*டிரை ப்ருட்ஸ் மற்றும் நட்ஸ் சேர்த்து மிருதுவாக கலந்து கேக் பானில் ஊற்றி 50-55 நிமிடங்கள் செய்து எடுக்கவும்.

பின் குறிப்பு:

*கேக் வெந்ததும் விரும்பினால் ஐசிங் சுகரை தூவலாம்.

*இந்த கேக்கினை செய்த அன்று சாப்பிடுவதை விட மறுநாள் சாப்பிட நன்றாகயிருக்கும்.

*டிரை ப்ரூட்ஸினை ஊறவைக்க ஆரஞ்சு ஜூஸ்க்கு பதில் ரம்/ பிராந்தி பயன்படுத்தலாம்.