சிக்கன் மசாலா ப்ரை | Chicken Masala Fry

தேவையான பொருட்கள்:

சிக்கன் - 1/2 கிலோ

வெங்காயம் - 1 பெரியது

தக்காளி - 2

புதினா - சிறிது

இஞ்சி பூண்டு விழுது - 2 டேபிள்ஸ்பூன்

உப்பு+எண்ணெய் = தேவையான அளவு

 எண்ணெயில் வறுத்தரைக்க:

தனியா - 2 1/2 டேபிள்ஸ்பூன்

காய்ந்த மிளகாய் - 6

மிளகு - 1 டீஸ்பூன்

சோம்பு - 1 டீஸ்பூன்

கசகசா - 1/2 டீஸ்பூன்

தேங்காய் துருவல் - 1/2 கப்

 தாளிக்க:

பிரிஞ்சி இலை - 2

கிராம்பு - 2

ஏலக்காய் - 1

பட்டை - சிறு துண்டு

 செய்முறை விளக்கம்:

*சிக்கனை சுத்தம் செய்து வைக்கவும்.

*வறுக்க குடுத்துள்ள பொருட்களை விழுதாக அரைக்கவும்.

 *வெங்காயம்+தக்காளி பொடியாக நறுக்கவும்.

 *கடாயில் எண்ணெய் விட்டு தாளிக்க குடுத்துள்ள பொருட்களை போட்டு தாளிக்கவும்.

 *வெங்காயம்+தக்காளி, இஞ்சி பூண்டு விழுது, அரைத்த மசாலா மற்றும் புதினா ஒன்றன் பின் ஒன்றாக போட்டு வதக்கவும்.

 *நன்கு வதங்கியதும் சிக்கன் மற்றும் உப்பு சேர்த்து நன்கு கிளறி மூடி போட்டு வேக வைக்கவும்.தண்ணீர் ஊற்ற வேண்டாம்.

 *சிக்கன் தண்ணீர் விடும்,தண்ணீர் சுண்டும் வரை நன்கு பொன்முறுவலாக சேர்த்து கிளறி இறக்கவும்.