செட்டிநாடு கோழி ரசம் | Chettinad Kozhi Rasam

இந்த ரசம் சளி மற்றும் காய்ச்சல் வரும் போது குடித்தால் உடனே சரியாகிவிடும்.

 தேவையான பொருட்கள்:

சிக்கன் எலும்பு துண்டு -100 கிராம்

நறுக்கிய சின்ன வெங்காயம் -6

நறுக்கிய தக்காளி -1 பெரியது

மஞ்சள்தூள் -1/2 டீஸ்பூன்

வரமிளகாய்த்தூள் -1டீஸ்பூன்

 ரசப்பொடிக்கு:

மிளகு+சீரகம் - தலா1 டீஸ்பூன்

தனியாத்தூள் -1/2 டீஸ்பூன்

சோம்பு -1/4 டீஸ்பூன்

சின்ன வெங்காயம் -3

பூண்டுப்பல் -3

 தாளிக்க:

எண்ணெய் -1/4 டீஸ்பூன்

சீரகம் - 1/4 டீஸ்பூன்

கறிவேப்பிலை - 1 கொத்து

 செய்முறை விளக்கம்:

*குக்கரில் மேற்கூறிய பொருட்களை சேர்த்து 4 கப் நீர்  வைத்து  சிறிது உப்பு சேர்த்து 4 விசில் வரை வேகவைக்கவும்.

 *ரசப்பொடிக்கு கொடுத்துள்ள பொருட்களை கொரகொரப்பாக பொடிக்கவும்.

*குக்கர் ப்ரெஷர் அடங்கியதும்  எலும்புதுண்டுகளை மட்டும் தனியாக எடுத்து வைக்கவும்.

*வேறொரு பாத்திரத்தில் தாலிக்க கொடுத்துள்ள பொருட்களை தாளித்து வடிகட்டிய  நீரினை சேர்க்கவும்.

*ரசப்பொடி மற்றும் தேவைக்கு உப்பு சேர்த்து கொதிக்க வைத்து இறக்கவும்.

*சூப்பாகவோ குடிக்கலாம்அல்லது சாதத்தில் பிசைந்து சாப்பிட நன்றாக இருக்கும்.

 பின் குறிப்பு :

*வேகவைத்த எலும்பு துண்டுகளை வறுத்து சாப்பிடலாம்,அல்லது குழம்பில் கடைசியாக சேர்க்கலாம்.