சேலம் மீன் குழம்பு | Salem Fish Kulambu

தேவையான பொருட்கள்:

சுத்தம் செய்த மீன் துண்டுகள் - 10

சின்ன வெங்காயம் - 5

பூண்டுப்பல் - 4

தக்காளி - 1 சிறியது

மஞ்சள்தூள் - 1/4 டீஸ்பூன்

புளி கரைசல் - 1 1/2 கப்

வெந்தயம் - 1/2 டீஸ்பூன்

குழம்பு மிளகாய்த்தூள் - 1 1/2 டேபிள்ஸ்பூன்

நல்லெண்ணெய் - 2 டேபிள்ஸ்பூன்

உப்பு +எண்ணெய் = தேவைக்கு

வதக்கி அரைக்க:

சீரகம் - 1/2 டீஸ்பூன்

மிளகு - 1/2 டீஸ்பூன்

சின்ன வெங்காயம் - 8

பூண்டுப்பல் - 5

தக்காளி - 1

தேங்காய்த்துறுவல் - 1/4 கப்

தாளிக்க:

கடுகு - 1/2 டீஸ்பூன்

சீரகம் - 1/4 டீஸ்பூன்

வெந்தயம் - 1/4 டீஸ்பூன்

கறிவேப்பிலை - சிறிதளவு

செய்முறை விளக்கம்:

*வெங்காயம் மற்றும் பூண்டை இரண்டாக நறுக்கவும்.

*அரைக்க கொடுத்துள்ள பொருட்களை எண்ணெயில் வதக்கி அத்துடன் குழம்பு மிளகாய்த்தூளை சேர்த்து நன்கு நைசாக அரைக்கவும்.

*புளிகரைசலுடன் அரைத்தவிழுது, உப்பு மற்றும் மஞ்சள்தூள் கலந்து வைக்கவும்.

*பாத்திரத்தில் எண்ணெய் விட்டு தாளிக்க கொடுத்துள்ள பொருட்களைப் போட்டு தாளித்து நறுக்கிய வெங்காயம், பூண்டுமற்றும் தக்காளி சேர்த்து வதக்கி புளிகரைசலை ஊற்றி கொதிக்கவிடவும்.

*நன்கு கொதித்ததும் மீன் துண்டுகளை சேர்க்கவும்.

*வெந்தயத்தை வெறும் கடாயில் வறுத்து பொடித்து மீன் வெந்ததும் குழம்பில் போட்டு இறக்கவும்.

*நல்லெண்ணெயை சூடு செய்து குழம்பில் ஊற்றி கலக்கவும்.

*சூப்பர் மணத்தோடு இருக்கும் இந்த குழம்பு..