சிக்கன் குருமா | Chicken Kurma

தேவையான பொருட்கள்:

சிக்கன் - 1/2 கிலோ
நீளவாக்கில் அரிந்த வெங்காயம் - 1
அரிந்த தக்காளி - 1
கீறிய பச்சை மிளகாய் - 10
இஞ்சி பூண்டு விழுது - 1 டேபிள்ஸ்பூன்
தனியாத்தூள் - 1 1/2 டேபிள்ஸ்பூன்
தேங்காய்ப்பால் - 2 கப்
பொடியாக நறுக்கிய புதினா,கொத்தமல்லி - 1 கைப்பிடி
மஞ்சள்தூள் - 1/4 டீஸ்பூன்
வேகவைத்து துண்டுகளாகிய உருளைக்கிழங்கு - 2 பெரியது
உப்பு+எண்ணெய் = தேவைக்கு

தாளிக்க:

பிரியாணி இலை - 2
கிராம்பு - 3
பட்டை - 1 துண்டு
ஏலக்காய் - 2

செய்முறை விளக்கம்:

*பாத்திரத்தில் எண்ணெய் விட்டு தாளிக்க கொடுத்துள்ளவைகளை போட்டு தாளித்து வெங்காயம், பச்சை மிளகாய், இஞ்சி பூண்டு விழுது, தக்காளி, மஞ்சள்தூள், தனியாத்தூள் மற்றும் புதினா கொத்தமல்லி அனைத்தையும் ஒன்றன் பின் ஒன்றாக போட்டு வதக்கவும்.

*வதங்கியதும் சிக்கன் மற்றும் உப்பு சேர்த்து மேலும் வதக்கி தேங்காய்ப்பால் சேர்த்து கொதிக்கவிடவும்.

*சிக்கன் வெந்ததும் வேகவைத்த உருளைக்கிழங்கு சேர்த்து 5 நிமிடம் கழித்து இறக்கவும்.