பருப்பு உருண்டைக் குருமா | Paruppu Urundai Kurma

தேவையான பொருட்கள்: 

க்ரேவிக்கு:

வெங்காயம் பெரியது - 1

தக்காளி - 2

இஞ்சி பூண்டு விழுது - 1 டேபிள்ஸ்பூன்
கொத்தமல்லிதூள் - 1 டேபிள்ஸ்பூன்

மிளகாய்த்தூள் - 1/2 டேபிள்ஸ்பூன்
கொத்தமல்லித் தழை - சிறிது

உப்பு+எண்ணெய் - தேவைக்கேற்ப

கடலைப்பருப்பு - 1 கப்

பூண்டு பல் - 3
சோம்பு - 1 டீஸ்பூன்

வெங்காயம் - 1

கொத்தமல்லி,கறிவேப்பிலை - சிறிது
தாளிக்க:
பட்டை - 1 துண்டு

கிராம்பு - 2

ஏலக்காய் -1

செய்முறை விளக்கம்:

*பருப்புக்களை 3/4 மணிநேரம் ஊறவைத்து பூண்டு+சோம்புடன் கொரகொரப்பாக அரைக்கவும்.

*இத்துடன் பொடியாக அரிந்த வெங்காயம், பச்சை மிளகாய்,  உப்பு, கறிவேப்பிலை மற்றும் கொத்தமல்லி தழை சேர்த்து பிசைந்து உருண்டைகளாக உருட்டி ஆவியில் வேகவைத்து எடுக்கவும்.

*வெங்காயம்+தக்காளி பொடியாக நறுக்கவும்.

*பாத்திரத்தில் எண்ணெய் ஊற்றி தாளிக்க குடுத்துள்ள பொருட்களைப் போட்டு தாளிக்கவும்.

*பின் வெங்காயம், தக்காளி, விழுது வகைகள் மற்றும் தூள் வகைகள் சேர்த்து ஒன்றன் பின் ஒன்றாக சேர்த்து நன்கு வதக்கவும்.

*நன்கு வதங்கியதும் உப்பு மற்றும் தண்ணீர் சேர்த்து கொதிக்கவிடவும்.

*பச்சை வாசனை அடங்கி கொதித்ததும் உருண்டைகளை சேர்த்து கொதிக்கவிடவும்.

*10 நிமிடம் கழித்து கொத்தமல்லிதழை தூவி இறக்கவும்.

பின் குறிப்பு:

*இதே மாதிரி புளி சேர்த்தும் செய்யலாம்.