இன்ஸ்டண்ட் புளியோதரைப் பொடி

இந்த பொடியை நான் உடனே பயன்படுத்தி விட்டதால் இதில் எந்த Preservative சேர்க்கவில்லை. நீண்ட நாள் வைத்திருந்து பயன்படுத்த வேண்டுமெனில் இதில் Acetic Acid & Tartaric Acid சேர்க்கவேண்டும்.

பரிமாறும் அளவு -2 நபர்

தயாரிக்கும் நேரம் -15 நிமிடங்கள்

தேவையான பொருட்கள்:

புளி - சிறிய எலுமிச்சை பழளவு

மிளகு+சீரகம் - தலா 3/4 டீஸ்பூன்

காய்ந்த மிளகாய் -2

வெள்ளை எள் -1 டீஸ்பூன்

தனியா -1 1/2 டீஸ்பூன்

கடலைப்பருப்பு - 1 டீஸ்பூன்

வெந்தயம் -1/2 டீஸ்பூன்

கடுகு -1/2 டீஸ்பூன்

உளுத்தம்பருப்பு -1 டீஸ்பூன்

பெருங்காயத்தூள் - 1/2 டீஸ்பூன்

கறிவேப்பிலை - 1 கொத்து

மஞ்சள்தூள் -1/2 டீஸ்பூன்

வேர்கடலை -1 டேபிள்ஸ்பூன்

உப்பு - தேவைக்கு

எண்ணெய் -1 டீஸ்பூன்

செய்முறை விளக்கம்:

*முதலில் வெறும் கடாயில் தனியா, கடலைப்பருப்பு, மிளகு, சீரகம், வெந்தயம், எள் மற்றும் காய்ந்த மிளகாய் இவற்றை தனித்தனியாக வாசனை வரும் வரை வறுத்தெடுக்கவும்.

*தேவையான உப்பையும் வறுத்து எடுக்கவும்.

*பின் புளியை பொடியாக நறுக்கி ஈரம் போக வெறும் கடாயில் வறுக்கவும்.

*கடாயில் எண்ணெய் ஊற்றி வேர்க்கடலையை வறுத்து வைக்கவும்.

*அதே கடாயில் மீதமுள்ள எண்ணெயில் கடுகு, உளுத்தம்பருப்பு, மஞ்சள்தூள், பெருங்காயத்தூள் மற்றும் கறிவேப்பிலை சேர்த்து தாளித்து ஆறவைக்கவும்.

*வறுத்த பொருட்கள் ஆறியதும் தனியா, கடலைப்பருப்பு, மிளகு, சீரகம், எள், வெந்தயம், காய்ந்த மிளகாய் மற்றும் தாளித்த பொருட்கள் இவற்றை சேர்த்து நைசாக பொடித்து தனியாக வைக்கவும்

*பின் உப்பு மற்றும் புளி சேர்த்து பொடிக்கவும்

*இதனுடன் அரைத்து வைத்த பொடியை சேர்த்து ஒரு சுற்று சுற்றி எடுக்கவும்.

*பின் கடைசியாக வேர்கடலையை சேர்த்து ஒன்றிரண்டாக பொடித்து எடுக்கவும்.

*இதில் Acetic Acid & Tartaric Acid சேர்ப்பதாக இருந்தால் அதையும் சேர்த்து ஒரு சுற்று சுற்றி எடுக்கவும்.

*ஆறியதும் காற்று புகாத டப்பாவில் 2 நாள் வரை வைத்திருந்து பயன்படுத்தலாம்.

பின் குறிப்பு:

* கலந்த சாத வகைகளுக்கு உப்பை வடிக்கும் போதே சேர்த்து விடுவேன்,அதனால் இந்த இன்ஸ்டண்ட் மிக்ஸ்ல் உப்பை குறைத்து சேர்த்துள்ளேன்

புளிசாதம் செய்யும் முறை

தேவையான பொருட்கள்:

உதிராக வடித்த சாதம் -1 கப்

புளிசாத இன்ஸ்டண்ட் மிக்ஸ் -1/4 கப்

நல்லெண்ணெய் - 2 டேபிள்ஸ்பூன்