பஞ்சாபி பிந்தி(வெண்டைக்காய்) மசாலா

தேவையான பொருட்கள்:

வெண்டைக்காய் - 1/4 கிலோ

பொடியாக நறுக்கிய வெங்காயம்+தக்காளி  - தலா 1

தனியாத்தூள் -  1 டீஸ்பூன்

வரமிளகாய்த்தூள் - 1 டீஸ்பூன்

கரம் மசாலா+மஞ்சள்தூள் - தலா 1/4 டீஸ்பூன்

இஞ்சி பூண்டு விழுது - 1 டீஸ்பூன்

கசூரி மேத்தி -  1/2 டீஸ்பூன்

ஆம்சூர் பவுடர் - 1/4 டீஸ்பூன்

சீரகம் - 1 டீஸ்பூன்

உப்பு+எண்ணெய் = தேவைக்கு

செய்முறை விளக்கம்:

*வெண்டைக்காயை கழுவி துடைத்து 1 இஞ்ச் அளவில் நறுக்கி,கடாயில் சிறிது எண்ணெய் விட்டு 10 நிமிடங்கள் வரை வதக்கி தனியாக வைக்கவும்.

*பின் அதே கடாயில் எண்ணெய் விட்டு சீரகம் போட்டு தாளித்து வெங்காயம், தக்காளி, இஞ்சி பூண்டு மற்றும் தூள் வகைகள் என ஒன்றன்பின் ஒன்றாக போட்டு வதக்கவும்.

*பின் வதக்கிய வெண்டைக்காய் சேர்த்து மேலும் 10 நிமிடங்கள் வரை சிறுதீயில் கிளறி கசூரி மேத்தி மற்றும் ஆம்சூர் பொடி சேர்த்து இறக்கவும்.

*சாதம்(அ) ரொட்டியுடன் சூடாக பரிமாறவும்.