பட்டூரா&சன்னா மசாலா

பட்டூரா செய்ய தேவையான பொருட்கள்:

மைதா - 2 கப்
பேக்கிங் சோடா - 1 டீஸ்பூன்
தயிர் - 1/4 கப்
ரவை - 1/2 கப்
சர்க்கரை - 1 டீஸ்பூன்
உப்பு+எண்ணெய் = தேவைக்கு

செய்முறை விளக்கம்:

*மைதா+பேக்கிங்சோடா+உப்பு+சர்க்கரை நன்கு கலக்கவும்.பின் ரவை+தயிர் சேர்த்து கலந்து தேவையானளவு நீர் சேர்த்து கெட்டியாக பிசையவும்.

*பின் எண்ணெய் ஊற்றி நன்கு பிசைந்து 2 மணிநேரம் ஊறவைக்கவும்.

*ஊறியதும் நடுத்தர உருண்டையாக எடுத்து மெலிதாக இல்லாமலும்,மிகவும் தடிமனாக இல்லாமலும் தேய்த்து எண்ணெயில் பொரித்தெடுக்கவும்.

சன்னா மசாலாவுக்கு: 

சன்னா - 1 கப்
நீளவாக்கில் அரிந்த வெங்காயம் - 1
நீளவாக்கில் அரிந்த தக்காளி - 1
இஞ்சி பூண்டு - 1/2 டேபிள்ஸ்பூன்
சன்னா மசாலா பவுடர் - 1 டேபிள்ஸ்பூன்
மஞ்சள்தூள் - 1/4 டீஸ்பூன்
பொடியாக அரிந்த கொத்தமல்லித்தழை - சிறிதளவு
உப்பு+எண்ணெய் = தேவைக்கு

தாளிக்க:

பட்டை - 1 துண்டு
கிராம்பு - 3
பிரியாணி இலை - 2
ஏலக்காய் -2

செய்முறை விளக்கம்:

*சன்னாவை 8 மணிநேரம் ஊறவைத்து உப்பு சேர்த்து வேகவைக்கவும்.1 கைப்பிடி வேகவைத்த சன்னாவை நீர்விடாமல் அரைத்து வைக்கவும்.

*பாத்திரத்தில் எண்ணெய் விட்டு தாளிக்க கொடுத்துள்ளவைகளைப்போட்டு தாளித்து வெங்காயம், இஞ்சி பூண்டு விழுது, தக்காளி, மஞ்சள்தூள் மற்றும் சன்னா மசாலா அனைத்தையும் ஒன்றன் பின் ஒன்றாக போட்டு நன்கு வதக்கவும்.

*வதங்கியதும் சன்னா வேகவைத்த நீர், அரைத்த சன்னா, மீதமுள்ள வேகவைத்த சன்னா மற்றும் உப்பு சேர்த்து 10 நிமிடம் கொதிக்கவைக்கவும்.

*பின் மல்லித்தழைதூவி இறக்கவும்.