பரங்கிப்பேட்டை பிரியாணி

இந்த பிரியாணிக்கு வெள்ளை மிளகு,சோம்பு,சீரகம்,ஏலம்,பட்டை ,கிராம்பு,கசகசா சேர்த்து செய்யும் பொடிதான் முக்கியமானது.இஞ்சியை விட பூண்டு அதிகமா இருக்கவேண்டும்.

இந்த பொடியை தாள்ச்சா,மட்டன் வறுவலுக்கும் பயன்படுத்தலாம்.நான் வெள்ளை மிளகுக்கு பதில் கறுப்பு மிளகுதான் பயன்படுத்தியுள்ளேன்.

தேவையான பொருட்கள்:

பாஸ்மதி - 4 கப்

மட்டன் - 1/2 கிலோ

வெங்காயம் - 2 பெரியது

தக்காளி  - 2 பெரியது

இஞ்சி - 1 பெரியதுண்டு

முழுபூண்டு - 2

புதினா,கொத்தமல்லிதழை - தலா 1/2 கட்டு

பச்சை மிளகாய் - 3

மிளகாய்த்தூள் - 1 டீஸ்பூன்

தயிர் - 125 கிராம்

எலுமிச்சைசாறு - 1 டேபிள்ஸ்பூன்

நெய் - 2 டேபிள்ஸ்பூன்

உப்பு+எண்ணெய் = தேவைக்கு

தாளிக்க:

பட்டை - 1துண்டு

கிராம்பு - 3

ஏலககய் - 3

பிரியாணி இலை - 4

வறுத்து பொடிக்க

மிளகு - 1 டீஸ்பூன்

பட்டை - 1 சிறுதுண்டு

ஏலக்காய் - 4

கிராம்பு - 4

சோம்பு - 2 டீஸ்பூன்;

சீரகம் - 1 டீஸ்பூன்

கசகசா - 1 டீஸ்பூன்

செய்முறை விளக்கம்:

*வெங்காயம் மற்றும் தக்காளி நறுக்கவும்.இஞ்சி பூண்டு அரைக்கவும்.அரிசியை கழுவி 10 நிமிடம் ஊறவைக்கவும்.

*மட்டனை சுத்தம் செய்து சிறிதளவு இஞ்சி பூண்டு விழுது,தயிர் சேர்த்து குக்கரில் 3 விசில் வரை வேகவைத்து எடுக்கவும்.

*பாத்திரத்தில் எண்ணெய் விட்டு தாளிக்க கொடுத்துள்ளவைகளை போட்டு தாளித்து வெங்காயம், இஞ்சி பூண்டு விழுது மற்றும்  வறுத்து பொடித்த பொடியில் 1 டேபிள்ஸ்பூன் சேர்த்து சிறுதீயில் வதக்கவும்.

*பின் தக்காளி, பச்சை மிளகாய், புதினா கொத்தமல்லி, மீதமுள்ள மிளகாய்த்தூள் மற்றும் வேகவைத்த கறி  சேர்த்து வதக்கவும்.

*கறிவேகவைத்த நீரை சேர்த்து 6 கப் நீர் ஊற்றி கொதிக்கவிடவும்.

*கொதிக்கும் போது உப்பு மற்றும் அரிசி சேர்த்து வேகவிடவும்.

*நீர் சுண்டி வரும் போது நெய்யை ஊற்றி 190°C முற்சூடு செய்த அவனில் 20 நிமிடம் வைத்து எடுக்கவும்.

பின் குறிப்பு :

*எனக்கு இந்த முறையில் செய்வதுதான் நன்றாக வரும்.அவரவர் விருப்பம்போல் சாதத்தை தனியாக வடித்தும் தம் போட்டு செய்யலாம்