வெந்தயக்கீரை ப்ரெட் ஸ்டிக்ஸ்

தேவையான பொருட்கள்: 

ஆல் பர்பஸ் மாவு - 1 கப்

காய்ந்த வெந்தயக்கீரை - 1 டேபிள்ஸ்பூன்

ஈஸ்ட் - 1/2 டீஸ்பூன்

சீரகப்பொடி - 1/4 டீஸ்பூன்

ஆலிவ் எண்ணெய் - 1 டேபிள்ஸ்பூன்

சர்க்கரை - 1 /2 டீஸ்பூன்

உப்பு - 1/4 டீஸ்பூன் 　

செய்முறை விளக்கம்:

*சிறிது வெதுவெதுப்பான நீரில் சர்க்கரை மற்றும் ஈஸ்ட் கலந்து 5 நிமிடம் வைக்கவும்.

*வெந்தயக்கீரையை சிறிது வெந்நீரில் உப்பு சேர்த்து நன்கு அலசி பிழிந்து வைக்கவும்.

*ஒரு பவுலில் மாவு, உப்பு, சீரகப்பொடி, ஆலிவ் எண்ணெய் மற்றும் வெந்தயக்கீரை கலந்து ஈஸ்ட் கலவையை ஊற்றி கெட்டியாக சப்பாத்தி மாவு பதத்திற்க்கு பிசைந்து ஈரத்துணியால் மூடி வெப்பமான இடத்தில் 1--2 மணிநேரம் வைக்கவும்.

*2 மணிநேரம் கழித்து மாவு உப்பியிருக்கும்,மறுபடியும் பிசைந்து 1 மணிநேரம் வைக்கவும்.

*மீண்டும் 1 மணிநேரம் கழித்து மாவை நன்கு பிழைந்து சிறு உருண்டைகளாக உருட்டவும்.

*உருட்டிய ஒரு உருண்டையை எடுத்து மெலிதாக கைகளால் நீளவாக்கில் உருட்டி அவன் டிரேயில் வைக்கவும்.

*அனைத்து உருண்டைகளும் இப்படியே செய்து மறுபடியும் உப்பி வருவதற்காக 20 நிமிடம் வைக்கவும்.

*பின் 220°C முற்சூடு செய்த அவனில் 20 நிமிடம் பேக் செய்து எடுக்கவும்.

பின் குறிப்பு:

*வெந்தயக்கீரைக்கு பதில் ப்ரெஷ் பேசில் இலைகள் சேர்க்கலாம்