சம்பா சாதம் & சிதம்பரம் கொத்சு | Samba Sadam & Chidambaram Gotsu | Chidambaram Kovil Special

சம்பா சாதம் என்பது உதிரியாக வடித்த சாதத்தில் நெய்யில் தாளித்த மிளகுத்தூள்+கறிவேப்பிலை இவைகளை சாதத்தில் போட்டி கிளறி செய்வது.


சிதம்பரம் சென்றால் உடுப்பி விலாஸ் ஹோட்டல் கொத்சு சாப்பிட யாரும் மறக்காதீங்க,பொங்கல் + இட்லியுடன் சாப்பிட சூப்பர்.

சம்பா சாதத்தில் கொத்சு சேர்த்து சாப்பிட சுவையாக இருக்கும் என கேள்விபட்டதோடு சரி.

நான் செய்திருக்கும் கொத்சு,கத்திரிக்காயை சுட்டு செய்திருக்கேன்,ஆனால் கோவிலில் செய்யும் கொத்சுவில் சிறிய கத்திரிக்காயை எண்ணெயில் வதக்கி செய்வாங்க.

உதிரியாக வடித்த சாதம் - 2 கப்
ப்ரெஷ் மிளகுத்தூள் - 1 1/2 டீஸ்பூன்
கறிவேப்பிலை - 1 கொத்து
நெய் - 1 டேபிள்ஸ்பூன்
உப்பு - தேவைக்கு

*கடாயில் நெய் விட்டு மிளகுத்தூள், கறிவேப்பிலை  சேர்த்து தாலித்து சாதம் மற்றும் உப்பு சேர்த்து கிளறவும்.
*விரும்பினால் தாளிக்கும் போது முந்திரிப்பருப்பு சேர்க்கலாம்.

பெரிய கத்திரிக்காய் -1
புளிகரைசல் - 1 கப்
உப்பு - தேவைக்கு

நல்லெண்ணெய் - 1 டீஸ்பூன்
கடுகு  - 1/2 டீஸ்பூன்
கறிவேப்பிலை - 1 கொத்து


காய்ந்த மிளகாய் -2
தனியா - 2 டீஸ்பூன்
வெந்தயம் -1/4 டீஸ்பூன்

*பொடிக்க கொடுத்துள்ளவைகளை நல்லெண்ணெயில் வறுத்து பொடிக்கவும்.

*கத்திரிக்காயில் எண்ணெய் தடவி அவன் அல்லது அடுப்பில் சுட்டு ஆறியதும் தோலுரித்து நன்கு மசிக்கவும்.

*பாத்திரத்தில் எண்ணெய் ஊற்றி தாளிக்க கொடுத்துள்ளவைகளை போட்டு தாளித்து புளிகரைசல் மற்றும் உப்பு சேர்த்து கொதிக்கவிடவும்.

*நன்கு புளிவாசனை போனதும் மசித்த கத்திரிக்காய்+பொடித்த பொடியை சேர்த்து 5 நிமிடம் கொதிக்கவைத்து இறக்கவும்.

 *வெங்காயம் சேர்க்க விரும்புபவர்கள் சின்ன வெங்காயத்தினை தாளித்த பிறகு சேர்த்து வதக்கி புளிகரைசலை ஊற்றி கொதிக்கவிடவும்.

*இந்த கொத்சு பொங்கல்,இட்லி+அரிசி உப்புமாவுக்கு பெஸ்ட் காம்பினேஷன்.