பாகற்காய் பொடிமாஸ் | Bitter Gourd Podimas

தேவையான பொருட்கள்:

பாகற்காய் - 4
கடலைப்பருப்பு - 1/2 கப்
காய்ந்த மிளகாய் - 4
சோம்பு - 1 டீஸ்பூன்
மஞ்சள்தூள் - 1/4 டீஸ்பூன்
பொடியாக அரிந்த வெங்காயம் -1
பொடியாக அரிந்த தக்காளி -1
துருவிய தேங்காய் - 1/4 கப்
உப்பு +எண்ணெய் = தேவைக்கு

தாளிக்க:

கடுகு - 1/2 டீஸ்பூன்
உளுத்தம்பருப்பு - 1 டீஸ்பூன்
சோம்பு - 1 டீஸ்பூன்
கறிவேப்பிலை- சிறிதளவு

செய்முறை விளக்கம்:

* பாகற்காயை விதை நீக்கி அரிந்து கடாயில் சிறிது எண்ணெய் விட்டு பொன்முறுகலாக வறுத்துக்கொள்ளவும்.

*கடலைப்பருப்பை 1மணிநேரம் ஊறவைத்து சோம்பு, காய்ந்த மிளகாய் மற்றும் உப்பு சேர்த்து கொரகொரப்பாக அரைக்கவும்.

*கடாயில் சிறிது எண்ணெய் விட்டு அரைத்த பருப்பை போட்டு உதிரியாக வரும்வரை கிளறவும்.

*பாகற்காயையும்,கடலைப்பருப்பையும் ஒன்றாக கலந்து வைக்கவும்.

*கடாயில் எண்ணெய் விட்டு தாளிக்க கொடுத்துள்ளவைகளைப்போட்டு தாளித்து வெங்காயம், தக்காளி, மஞ்சள்தூள் மற்றும் உப்பு போட்டு வதக்கவும்.

*நன்கு வதங்கியதும் பாகற்காய் கலவையை போட்டு நன்கு கிளறி தேங்காய்த்துறுவல் சேர்த்து இறக்கவும்.