பச்சை ஆப்பிள் ஊறுகாய் | Green Apple Pickle

தேவையான பொருட்கள்: 

பச்சை ஆப்பிள் - 2

கடுகு+வெந்தயம் - தலா 1/4 டீஸ்பூன்

வரமிளகாய்த்தூள் - 3/4 டேபிள்ஸ்பூன்

எலுமிச்சை சாறு - 1 டீஸ்பூன்

உப்பு +நல்லெண்ணெய் = தேவைக்கு

தாளிக்க:

கடுகு - 1/4 டீஸ்பூன்

உளுத்தம்பருப்பு - 1/2 டீஸ்பூன்

பெருங்காயம் - வாசனைக்கு

செய்முறை விளக்கம்:

*ஆப்பிளை சிறுதுண்டுகளாக நறுக்கி(நான் தோல் சீவி நறுக்கியுள்ளேன்)எலுமிச்சை சாறு(நிறம் மாறாமல் இருக்க) மற்றும் உப்பு மற்றும் வரமிளகாய்த்தூள் கலக்கவும்.

*வெறும் கடாயில் கடுகு மற்றும் வெந்தயம் வறுத்து பொடித்து ஆப்பிளில் கலக்கவும்.

*பின் நல்லெண்ணெயில் தாளிக்க கொடுத்துள்ளவைகளை தாளித்துக் கொட்டவும்.

*வெந்தய மாங்காய் ஊறுகாய் போல இருக்கும்.தயிர் சாதத்திற்க்கு சூப்பர் ஜோடி.அப்படியே கூட சாப்பிடலாம்.

பின் குறிப்பு:

*1 நாள் வரை வைத்திருந்து சாப்பிடலாம்,அதற்க்குமேல் நன்றாகயிருக்காது