காலிபிளவர் சப்பாத்தி

தேவையான பொருட்கள்:
கோதுமை மாவு - 2 கப்
உப்பு+எண்ணெய் = தேவைக்கு

ஸ்டப்பிங் செய்ய:

துருவிய காலிபிளவர் - 1 கப்
மஞ்சள்தூள்,கரம் மசாலா - தலா1/4 டீஸ்பூன்
மிளகாய்த்தூள் - 1 டீஸ்பூன்
பொடியாக அரிந்த பச்சை மிளகாய் - 2
பொடியாக அரிந்த வெங்காயம் - 1 சிறியது

செய்முறை விளக்கம்:

*கோதுமை மாவில் உப்பு சேர்த்து கெட்டியாக பிசைந்து 1/2 மணிநேரம் ஊறவைக்கவும்.

*கடாயில் சிறிது எண்ணெய் விட்டு வெங்காயம் மற்றும் பச்சை மிளகாய் சேர்த்து நன்கு வதக்கவும்.

*பின் துருவிய காலிபிளவர், கரம் மசாலா, மஞ்சள்தூள், மிளகாய்த்தூள் மற்றும் உப்பு சேர்த்து நன்கு வதக்கி சிறிதளவு நீர் சேர்த்து வேகவைத்து,நீர் சுண்டும் வரை கிளறி ஆறவைக்கவும்.

*கோதுமை மாவில் சிறிதளவு உருண்டை எடுத்து உருட்டி அதனுள் காலிபிளவர் கலவையை சிறிது வைத்து நன்கு மூடி மெலிதாக உருட்டி 2 பக்கமும் எண்ணெய் விட்டு வேகவைத்தெடுக்கவும்.