வேப்பம்பூ துவையல் | NeemFlower Thuvaiyal

தேவையான பொருட்கள்: 

வேப்பம்பூ - 2 டேபிள்ஸ்பூன்

தேங்காய்த் துறுவல் - 1/4 கப்

கா.மிளகாய் - 2

புளி - சிறிய நெல்லிக்காயளவு

பெருங்காயம் - சிறுதுண்டு

உளுத்தம்பருப்பு - 2 டேபிள்ஸ்பூன்

உப்பு+எண்ணெய் – தேவைக்கு

செய்முறை விளக்கம்:

*உளுத்தம்பருப்பு மற்றும் தேங்கய்த்துறுவல் இவைகளை தனித்தனியாக வெறும் கடாயில் வறுக்கவும்.

*கடாயில் சிறிது எண்ணெய் விட்டு பெருங்காயம் மற்றும் காய்ந்த மிளகாய் சேர்த்து வதக்கி வேப்பம்பூவை சேர்த்து கருகாமல் வதக்கி எடுக்கவும்.

*ஆறியதும் முதலில் மிக்ஸியில் உளுத்தம்பருப்பை பொடி செய்து பின் மற்ற பொருட்களை உப்பு சேர்த்து நைசாக கெட்டியாக நீர் சேர்த்து அரைத்தெடுக்கவும்.

*கொஞ்சம்கூட கசப்பே தெரியாது இந்த துவையல்.

*வேப்பம்பூ கருகிவிட்டால் துவையல் கசக்கும்.