வெங்காயத்தாள் சாதம் | Spring Onion Rice

தேவையான பொருள்கள்:

உப்பு சேர்த்து உதிராக வடித்த சாதம் - 2 கப்
வெண்ணெய்- 1 டேபிள்ஸ்பூன்
ப்ரோசன் பட்டாணி - 1 கைப்பிடி
வெங்காயத்தாள் - 1 சின்ன கட்டு
சோயா சாஸ் - 1/2 டேபிள்ஸ்பூன்
உப்பு+எண்ணெய் = தேவைக்கு

அரைக்க:

காய்ந்த மிளகாய் - 7
பூண்டுப்பல் - 3

செய்முறை விளக்கம்:

*அரைக்க கொடுத்துள்ளவைகளை நைசாக அரைக்கவும்.

*வெங்காயத்தாளில் உள்ள வெங்காயத்தையும்,தாளையும் தனித்தனியாக நறுக்கி வைக்கவும்.

*பாத்திரத்தில் பட்டர், சிறிது எண்ணெய் விட்டு அரைத்த விழுதை போட்டு பச்சை வாசனை போகும் வரை வதக்கவும்.

*பின் வெங்காயம், பட்டாணி சேர்த்து நன்கு வதக்கி வடித்த சாதத்தை போட்டு கிளறி சோயா சாஸ், வெங்காயத்தாளை தூவி 5 நிமிடம் கழித்து இறக்கவும்.