பம்பளிமாசு பழ சாதம் | Grapefruit(Pamplemousse) Rice

புளிப்புள்ள பழத்தில் செய்தால் தான் நன்றாக இருக்கும்.எலுமிச்சை பழ சாதம் போலவே இருக்கும்.

தேவையான பொருள்கள்:

உதிராக வடித்த சாதம் - 2 கப்
பம்பளிமாசு பழம் -1
உப்பு+எண்ணெய் = தேவைக்கு

தாளிக்க:

கடுகு+உளுத்தம்பருப்பு - தலா 1/2 டீஸ்பூன்
வேர்க்கடலை - 1 கைப்பிடி
கடலைப்பருப்பு -1 டேபிள்ஸ்பூன்
பொடியாக நறுக்கிய பச்சை மிளகாய் - 2
பொடியாக நறுக்கிய இஞ்சி - 1 டீஸ்பூன்
மஞ்சள்தூள்+பெருங்காயத்தூள் - தலா 1/4 டீஸ்பூன்
கறிவேப்பிலை - 1 கொத்து

செய்முறை விளக்கம் :

*பழத்திலிருந்து சாறு பிழியவும்.கடாயில் எண்ணெய் விட்டு தாளிக்க கொடுத்துள்ள பொருட்களைப் போட்டு தாளித்து உப்பு சேர்த்து சாறினை ஊற்றி கொதிக்க விடவும்.

*ஆறியதும் சாதத்தில்   சேர்த்து கிளறி பரிமாறவும்.