துவரம்பருப்பு இட்லி & தக்காளி சட்னி | Toor Dal Idli & Tomato chutney

தேவையான பொருட்கள்:

புழுங்கலரிசி - 2 கப்

துவரம்பருப்பு - 3/4 கப்

உளுந்து - 1/4 கப்

உப்பு - சுவைக்கு

செய்முறை விளக்கம்:

*அரிசியை தனியாகவும் , துவரம்பருப்பு+உளுந்து இவைகளை ஒன்றாகவும் கழுவி 4 மணிநேரம் ஊறவைக்கவும்.

*ஊறியதும் பருப்புகளை நன்கு மைய அரைக்கவும்.அரிசியை ரவை பதத்துக்கு கொரகொரப்பாக அரைக்கவும்.

*அனைத்தையும் ஒன்றாக உப்பு சேர்த்து கரைத்து புளிக்கவைத்து இட்லிகளாக சுட்டெடுக்கவும்.

 தக்காளி சட்னி -6

தேவையான பொருட்கள்:

பழுத்த தக்காளி - 2 நன்கு மசிக்கவும்

பொடியாக நறுக்கிய வெங்காயம் -1

கீறிய பச்சை மிளகாய் -2

மஞ்சள்தூள் - 1/4 டீஸ்பூன்

உப்பு - தேவைக்கு

தாளிக்க:

எண்ணெய் - 1 டீஸ்பூன்

கடுகு,உளுத்தம்பருப்பு,பெருங்காயத்தூள் -தலா 1/4 டீஸ்பூன்

கறிவேப்பிலை - சிறிது

செய்முறை விளக்கம்:

*கொடுத்துள்ள பொருட்களை அனைத்தையும் ஒன்றாக கலந்து 1/4 கப் நீர் மற்றும் உப்பு சேர்த்து குக்கரில் 4-5 விசில் வரை வேகவைக்கவும்.

*ஆறியதும் கரண்டியால் நன்கு மசித்து விட்டு தாளிக்க கொடுத்துள்ள பொருட்களை தாளித்து சேர்க்கவும்.