குண்டு குண்டு இனிப்பு பூந்தி செய்வது எப்படி??

தேவையான பொருட்கள்:

கடலை மாவு - 1 கப்

சர்க்கரை - 2 கப்

சமையல் சோடா - 1 சிட்டிகை

நெய் - 3 டீஸ்பூன்

முந்திரி,திராட்சை,டைமண்ட் கல்கண்டு - தேவைக்கு

ஏலக்காய் பொடி - 1/4 டீஸ்பூன்

மஞ்சள் கலர் - 1 சிட்டிகை

எண்ணெய் - பொரிக்க

குண்டு குண்டு இனிப்பு பூந்தி செய்முறை:

*கடலை மாவு மற்றும் சமையல் சோடா இரண்டையும் கலந்து சலிக்கவும்.

*அதனுடன் மஞ்சள் கலர் கலந்து தோசை மாவு பதத்திற்க்கு நீர் சேர்த்து கலக்கவும்.கண் கரண்டியில் ஊற்றினால் மாவு விழணும் அதுதான் சரியான பதம்.

*எல்லா மாவையும் கண்கரண்டியில் தோய்த்து பூந்திகளாக பொரித்து வைக்கவும்.

*முந்திரி,திராட்சையை நெய்யில் வறுக்கவும்.

மரவள்ளிக்கிழங்கு இனிப்பு புட்டு செய்வது எப்படி!!!!

*ஒரு பாத்திரத்தில் சர்க்கரை போட்டு 3/4 கப் நீர் சேர்த்து பாகு காய்ச்சவும்.2 விரல்களால் தொட்டால் பிசுபிசுப்பாக இருக்கனும்.அதுதான் பூந்திக்கு சரியான பதம்.

*அடுப்பை நிறுத்திவிட்டு பூந்தி, ஏலக்காய் பொடி,கல்கண்டு, முந்திரி திராட்சை மற்றும் மீதமிருக்கும் நெய் போன்றவற்றை சர்க்கரை பாகில் கலந்து மூடி வைக்கவும்.

*சிறிது நேரம் கழித்து பார்த்தால் பூந்தி பொலபொலவென இருக்கும்.

பின் குறிப்பு:

*இது நான் லட்டுக்காக செய்த குறிப்பு.சர்க்கரை பாகு ஆறிவிட்டதால் லட்டு பிடிக்க வரவில்லை.இளஞ்சூடாக இருக்கும் போதே நெய் தொட்டு லட்டுகளாக பிடிக்கவும்.

*கரைத்த கடலைமாவில் 3 பங்காக பிரித்து சிவப்பு, பச்சை மற்றும் மஞ்சள் கலர் சேர்த்து கலர் பூந்தி செய்யலாம்.பார்ப்பதற்க்கு அழகாக இருக்கும்.

*1 கம்பிபதம் என்பது 2 விரல்களுக்கிடையே பாகை தொட்டு பார்த்தால் ஒரு நூலிழை போல் வரும்.

இதுபோன்ற தகவல்களை உடனுக்குடன் தெரிந்து கொள்ள எங்களுடைய cinema.sebosa இணையதளத்தை அணுகுங்கள். மேலும் உங்களின் கருத்துக்களை பதிவிட என்ற ecoimbatore Facebook பக்கத்தில் இணையுங்கள் நன்றி.