முடக்கத்தான் கீரை சூப் | Mudakathan Keerai (Balloon Vine) Soup

முடக்கத்தான் கீரையை மாதம் 2 முறை உணவில் சேர்த்துக் கொண்டால் முட்டுவலி,நரம்பு தளர்ச்சி வராது.

இந்த கீரை லேசாக கசப்பு தன்மை கொண்டது.இதனை சூப் போல் குடித்தால் சளி,இருமல் சீக்கிரம் குணமடையும்.

தலைமுடி நன்கு வளரவும் இதனை உபயோகிக்கலாம்.

தேவையான பொருட்கள்: 

முடக்கத்தான் கீரை - 1 கப்
மிளகு,சீரகம் -  தலா 1 டீஸ்பூன்
பூண்டுப்பல் -4
நெய் -1 டீஸ்பூன்
நீர் --3 கப்
உப்பு-தேவைக்கு

செய்முறை விளக்கம்:

*மிளகு, சீரகம் மற்றும் பூண்டு இன்றிரண்டாக பொடித்துக் கொள்ளவும்.

*பாத்திரத்தில் நெய் விட்டு பொடித்த மிளகு சீரகத்தினை போட்டு லேசாக வதங்கியதும் சுத்தம் செய்த கீரையை போட்டு வதக்கவும்.

*3 கப் நீர் ஊற்றி கொதிக்கவிடவும்.*பாதியளவு நீர் சுண்டியதும் உப்பு சேர்த்து இறக்கவும்.

*லேசாக கீரையை மசித்து வடிகட்டி சூடாக பருகவும்.