பச்சை கத்திரிக்காய் சென்னாகுன்னி பொரியல்

சென்னாகுன்னி என்பது காய்ந்த இறால்,இதனை கத்திரிக்காயுடன் சேர்த்து பொரியல் செய்தால் மிக நன்றாக இருக்கும்.

தேவையான பொருட்கள்: 

சென்னாகுன்னி - 1/4 கப்
பச்சை கத்திரிக்காய் -1/4 கிலோ
வெங்காயம் -1
சாம்பார் பொடி -2 டீஸ்பூன்
எண்ணெய் -1 டேபிள்ஸ்பூன்
கறிவேப்பிலை -1 கொத்து
வடகம் -1 டீஸ்பூன்
உப்பு-தேவைக்கு

செய்முறை விளக்கம்:

*வெறும் கடாயில் சென்னாகுன்னியை வாசனை வரும் வரை வறுத்து சுத்தம் செய்துக் கொள்ளவும்.

*பாத்திரத்தில் எண்ணெய் ஊற்றி வடகம் மற்றும் கறிவேப்பிலை சேர்த்து தாளித்து வெங்காயம் சேர்த்து வதக்கவும்.

*நறுக்கிய கத்திரிக்காய்,சாம்பார் பொடி,உப்பு சேர்த்து வதக்கி தேவைக்கு நீர் ஊற்றி வேகவைக்கவும்.

*கத்திரிக்காய் வெந்ததும் சுத்தம் செய்த சென்னாகுன்னியை சேர்த்து நன்கு கிளறி இறக்கவும்.